Mungkin ini yang orang dong bilang
"ko tra bisa menilai ko pu diri,, yang bisa menilai ko pu diri thu orang
laen",, kata itu yang paling sa rasa skali,,, singkatnya begini,, sa
berteman dengan sa punya teman teman yang kalo mo bilang thu dorang paling baik
skali,,, sa sering jalan-jalan,,makan,, duduk cerita sama - sama deng dorang,,
bukan cuma itu, misalnya kalo kitorang lagi ada di tempat yang jauh thu sering
kitong baku telpon ato sms sekedar tanya kabar dll,, karna sa memang orang yang
mungkin paling menghargai persahabatan thu,, smua thu berjalan baik adanya,,
tapi tiba-tiba tratau kenapa trus sa juga binggung tiba-tiba sebagian dari
dorang su tra pernah sms atau telpon sa lagi,,, padahal kalo sa ingat2 thu,, sa
tra pernah bicara kasar dng dorang atau mungkin sa pernah bicara yang
menyinggung dong pu perasaan,, langsung saja semua brubah,,, tapi itu sa bisa
mengerti,,, karna mungkin dorang ada sibuk dengan dorang poex kerjaan yang
banyak kha….??? Padahal sebelumnya biar
dorang sibuk bagemana juga pasti ada saja kesempatan buat kitong saling komunikasi,,,, akhirnya timbul
dalam sa punya otak kalo semua itu karna
sa,,, memang sa akui sa tra sama dengan teman2 lain,, sa hanyalah orang yang
biasa saja yang mungkin menurut dorang
thu, sa poex kehadiran ditengah2 dorang tara terlalu berarti,, tapi
trapapa,,,,, untuk hal itu sa tra marah
, atau mungkin tersinggung kha,, karna sa akui itulah sa deng sa poex cara
hidup,, yang pasti sa slalu sayang dorang smua….!!!
Sa trabisa bicara sama dorang kalo dorang
kalo keadaan su begitu,,, sa hanya bisa kase tau sa pung perasaan lewat apa
yang sa tulis nhe,,,, kalo satu saat diantara dorang smua ada yang sempat baca
tulisan ini,, sa cuma bilang sa sayang kam smua eeee,,,,,,!!!!!!! Sa tra mo
tulis talalu banyak,, nanti kam bosan baca,, So,,,,,waktu nhe akan slalu
berlalu satu saat kitorang smua sudah berpisah dan sudah mulai dengan kehidupan
yang baru di tempat masing2,,, dan kam smua su dapat teman baru,, dan kalo satu saat nanti entah kapan,, kalo sa,su trada, kam ingat kalo “Yang
Terindah Dalam Persahabatan Adalah Kebersamaan, Keakraban,, deng Kasih Sayang"....!!!!!!!
By.Evan3z